 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вецер. Цемра. Мроі. Рухі.
П’яны подых завірухі.
Чорнай ноччу ў тумане
Сівай цыгарэтнай маны.
Сум. Пагарда. Злосьць. Надзея
На зімовую завею.
На халодныя сумёты.
На высвабаджэньне з гнёту.
Дождж. Навала. Перакаты.
Сонца просіцца ў хату.
Веснавые задуменьні.
Не паслухаю сумленьня.
Бруд. На словах. І ў думках.
Не твой першы пацалунак.
Не з табою я гуляю.
І цябе я не кахаю.
Ці было яно, каханьне,
Любасьці замілаваньне?
Ці то гэта толькі мары,
Барвяной зарніцы чары?
Не хачу я казку гэту.
І забуду тое лета.
Не патрэбны мне пакуты.
І чакаць цябе ня буду.
Хопіць. Хопіць мне заганы.
Не паверу ў падманы.
Ты ня лезь у мае думкі.
Не рабі свой выгляд сумным.
Сны. Абліччы. Цяга. Зоры.
Ўсё гэта было ўчора.
Сёньня ўсё – агонь і дым.
Заўтра – толькі ўспамін.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
